Pas lajmit se 26-vjeçarja nga Shkodra ishte larguar nga shtëpia e tyre, për motive që nuk u zbuluan asnjëherë, kantautori Pirro Çako ka konfirmuar ndarjen me Sisin, mbrëmë në “Xing me Ermalin”.
“Njerëzit lidhen e zgjidhen. Tani unë po kaloj një fazë zgjidhjeje si të gjithë njerëzit. Jam vetëm”, ka thënë kantautori. Duke shtuar se jeta si beqar është aq e kënaqshme, saqë nëse “do fliste më shumë mund të ndaheshin të gjithë”.
“Jeta është shumë e çuditshme dhe na rezervon shumë surpriza. Asnjë nuk i di këto, por duhet t’i prekësh, të kalosh vitet që të thuash diçka me vlerë. Unë për kaq sa kam jetuar njerëzit i dinë të gjitha. Shyqyr që kemi portalet dhe i marrin vesh të gjitha. Shyqyr që nuk dinë çfarë do ndodhi në të ardhmen dhe aq më mirë se edhe unë nuk e di. Shpresoj që Zoti të më ketë rezervuar ndonjë surprizë, që edhe unë të mos e kaloj jetën vetëm”, shtoi ai.
