Pako me drogë janë gjetur në Zakyntho të Greqisë. Sipas mediave greke droga është gjetur në vendin e quajtur “Porto Roma”, ku është konstatuar teksa pluskonte në det 1 pako e madhe, brenda së cilës u gjetën 4 pako më të vogla me 20 kg marijuanë në total.
Raportohet se kjo sasi është në vazhdën e një sasie droge që ka dalë prej 22 janarit në brigjet e Zakyntho-s, ku me drogën e gjetur dje, sasia totale shkon ne 148 kg marijuanë.
Dyshohet se droga ka origjinë shqiptare dhe është hedhur në det pas pikasjes së trafikantëve nga policia.
