Të tjera detaje janë zbardhur nga krimi i pasionit që ka tronditur qytetin e Fierit.
Viktimat rezulton se janë nisur dje nga Fieri në drejtim të Darëzezës, që është edhe zonë bregdetare. Dyshohet që mes tyre gjatë udhëtimit ka pasur debate pas kërkesës së 29¬ vjeçares Ermira Dushi për t’u ndarë, por kjo nuk është pranuar nga ana e tij, shkruan “Panorama”.
Bashkëshorti i saj, A. Dushi, është emigrant në Greqi prej disa vitesh. Ai ka marrë edhe vajzën e mitur bashkë me prindërit, pasi këta të fundit përfitonin pensionin në këtë shtet. Ndërsa Ermira jetonte me kunatën e saj (motrën e bashkëshortit) në një banesë në lagjen “Çlirim” të Fierit.
Fqinjë të saj u shprehën dje se ajo dilte çdo ditë në qytet, pasi punonte si shitëse në një dyqan perdesh në qendër të Fierit. Aty mendohet të jetë njohur edhe me 32¬vjeçarin, i cili, sipas të dhënave, kishte një biznes me bojëra.
“Ajo dukej e rregullt. S’e dimë si e ka pasur hallin. Nuk dimë të ketë pasur probleme me të shoqin, ndonëse ai jeton në Greqi. Punonte në një dyqan perdesh e mbase aty e ka njohur atë tjetrin”, u shpreh T.D., një banor i lagjes “Çlirim”. Sipas fqinjëve të Ermirës, në fshatin Ngurrëz (banesa e vajzërisë), edhe prindërit e saj jetojnë në Greqi.
Pas tragjedisë, prindërit e saj, por edhe bashkëshorti me prindërit e tij janë nisur për në Fier.
