Sukses për shqiptarin Ermal Meta, konkurent këtë vit në festivalin italian të këngës “Sanremo”. Në këtë edicion mes emrave të “BIG” është edhe ai i shqiptarit Meta. Këngëtari me origjinë nga qyteti i Fierit ka performuar dje një “cover”. Kjo performancë është zgjedhur si më e mira e natës së tretë të Sanremo-s.
”Amara terra mia” e Domenigo Modugno, titullohej kënga e kënduar nga Meta, e cila emocionoi publikun. ”Amara terra mia”, shqip “Toka ime e hidhur” trajton temën e emigracionit, atdheun e largët dhe dëshirën për t’u kthyer sërish.
Ermal Meta është një nga favoritët dhe për finalen e madhe të 11 shkurtit, ku është kualifikuar me këngën e tij ”E ndaluar të vdesësh”.
