Shfrytëzonte ambientet e SPA (qendër estetike, masazh) për prostitucion, arrestohet 1 grua, ndërsa po hetohen në gjendje të lirë 5 persona të tjerë, klientë dhe punonjës.
Në pranga është vënë E. I., 38 vjeçe, banuese në Tiranë, (pronare e ambientit të SPA). Si dhe ndiqen në gjendje të lirë shtetasit: A. B, 21 vjeçe, banuese në Tiranë, punëtore, V. Ç., 14 vjeçe, banuese në Tiranë, punëtore, B. D., 42 vjeçe, banuese në Tiranë. M. I., 32 vjeç, shtetas turk, banues Tiranë, klient, G. R., 40 vjeç, banues në Tiranë, klient dhe R. G., 30 vjeç, turk, klient.
Arrestimi i 38-vjeçares është bërë pasi nga informacionet e marra në rrugë operative në ambientet e një Qendre estetike, ku një shërbim ishte dhe masazhi dyshohej se këtë ambient e përdornin përveç shërbimeve të masazhit por edhe të ushtrohej prostitucion kundrejt pagesave ekstra masazhit.
Pronarja e kësaj qendre estetike I. E , dyshohet se organizonte punën në kamuflimin e masazheve ku kishte si objekt pune dhe marrëdhënien seksuale në forma të ndryshme ndërmjet punonjësve dhe klientëve, aktivitet ky që ushtrohej që prej 8 muajsh, ku dhomat ishin përshtatur si qendër masazhi.
Dosja i ka kaluar Prokurorisë së Tiranës për veprat penale të “Shfrytëzim prostitucioni dhe mbajtje të ambientit për prostitucion”.
