Pas grabitjes së fundit spektakolare të parave të një banke të nivelit të dytë, Policia e Shtetit përmes një deklarate për mediat ia faturon përgjegjësinë policisë private, që shoqëronte sasinë e parave.
Drejtori i Përgjithshëm i Sigurisë, Altin Qato fajëson kompaninë private dhe punonjësit e saj.
Sipas tij, “edhe pse ishin të armatosur ata nuk kanë qëlluar sipas ligjit”.
Sakaq Qato shtoi se policia po punon për zbardhjen e plotë të ngjarjes dhe arrestimin e grabitësve.
Pas ngjarjes së rëndë në Qafë Kashar u bë arrestimi i punonjësve të policisë private. Sakaq sot iu hoq licenca kompanisë private të sigurisë “Jaguar”, që bënte transportin e valutës.
