Ish-kryeministri i vendit, Sali Berisha duke folur nga foltorja e Kuvendit i ka bërë thirrje qeverisë që t’i japë zgjidhje problemit të banorëve të Zharrëzës në Fier.
“Merrini ato familje dhe ose ndërprisni çdo lloj punimi, ose ato të largohen prej aty, të shpronësohen!”, tha Berisha.
Berisha ka vlerësuar kompaninë Bankers për investimin e bërë dhe trefishimin e prodhimit të naftës.
Berisha i ka kërkuar Ramës që të zgjidhë problemet serioze që ka shkaktuar kundrejt ligjit, jo duke i vënë gjoba: “Ju nuk doni ta korrigjoni, por doni të mbushni xhepat, doni ta fusni nën sundimin e Besnik Sulës”.
“Bankers Petrolium është një kompani e ardhur me kontratë të firmosur nga qeverisja socialiste, kontratë që nga PD iu shtua neni që mungonte, kompania që gjatë gjithë periudhës ka qenë nga më kryesorët në Shqipëri me tatime nga 200 milionë euro në vit në tërësinë e vet; kompania që ka trefishuar dhe më shumë nxjerrjen e naftës në këtë vend : nga 820 mijë ton që ishte prodhimi i naftës, nafta arriti në 1 milionë e 200 ton.
Kompania e bëri të famshëm Shqipërinë për naftën…Me këto kalkulime dhe këtë ekspoze, e vërteta është që Bankers i shërbeu Shqipërinë”, tha Berisha.
