Presidenti i Rusisë, Vladimir Putin, ka kërkuar falje pasi sulmet ajrore ruse kanë vrarë aksidentalisht tre ushtarë turq në Siri. Lajmi është bërë i ditur nga vetë Turqia.
Ushtarët turq po i përkrahin rebelët sirianë në përpjekjet e tyre për ta marrë kontrollin nga Shteti Islamik (ISIS) në qytetin al-Bab, kur u vranë aksidentalisht.
Kjo është pjesë e një ofensive më të gjerë nga Turqia për t’i larguar luftëtarët kurdë dhe ata të ISIS-it sa më larg kufirit jugor të Turqisë.
Rusia dhe Turqia, të cilët i përkrahin palët e kundërta në luftën në Siri, së fundmi janë duke e sulmuar së bashku ISIS-in përmes sulmeve ajrore.
