Ilda Bejleri, gazetare sportive nuk ka kursyer asnjë nga koleget e saj lidhur me gazetarinë që bëjnë. E ftuar në emisionin e padites së Rudina Magjistarit Ilda i ka etiketuar gazetaret e tjera të sportit si të vjetra.
Dhe më konkretisht ajo ka thumbuar moderatorin e TVSH-së, Hygerta Sakon. “Ajo nuk është modeli im i gazetarisë është model i vjetër. Ka disa njerëz që duan të mbeten te ajo gjëja e vetë dhe ta raportojnë lajmin dhe vetëm kaq”, ka thënë Bejleri.
Por, përgjigja e Hygerta Sakos nuk ka vonuar. “Nuk kam kohë të merrem me deklarata të tilla, pasi jam e zënë me emisionin “Përtej futbollit” në edicionin e dytë i cili mu kopjua nga gazetarët e rinj fringo. Megjithatë mund të them se do të vazhdojë me këtë stilin e vjetër të gazetarisë. Nëse Ilda mendon së te qenit thjesht seksi është ‘stili i ri’ i gazetarisë i uroj shumë suksese në rrugën e zgjedhur prej saj. Më vjen keq që dëgjoj të tilla deklarata, pasi jemi shumë pak vajza që merremi me sportin dhe duhet ta vlerësojmë e respektojmë njëra-tjetrën”, ka thënë Hygerta Sako në “Panorama Sport”.
Ndërkohë që një tjetër gazetare, Aida Tuci që ka punuar më herët në shtypin e shkruar sportiv, i ka kthyer përgjigje në “Facebook”, Ilda Bejlerit: “Të jesh velinë e gazetarisë nuk do të thotë të jesh gazetare. Për më tepër, po aq idiote më tingëllon kjo ndasia: gazetari moderne dhe gazetari e vjetër. Pika gazetarisë tenë dhe mua bashkë me ty”, ka shkruar Tuci.
