Ish-kryeministri Sali Berisha duke dalë në krah drejtorit të Muzeut Historik Kombëtar, Melsi Labi lëshon akuza ndaj kryeministrit Rama dhe botuesit Carlo Bolino për shkarkimin e Labit.
Përmes një postimi në Facebook, Berisha thotë se se Labi është shkarkuar nga detyra vetëm pse foli të vërtetën për fondet e dhëna nga qeveria për privatin dhe për Muzeun Historik japin më pak fondet.
Ja çfarë shkruan ish-kryeministri Sali Berisha:
Melsi Labi shkarkohet nga Rama si: Fajtor që denoncoi Ramën dhe Bolinon e tij për vjedhje dhe abuzimin me fondet e Kulturës!
Dje Edi Rama me një reagim të menjëhershëm shkarkoi nga detyra drejtorin e Muzeut Kombetar, Melsi Labi sepse ai dje denoncoi Ramën dhe Bolinon e tij me deklaratën që vijon:
“Buxheti për 2017 nuk ka dale ende, por pritet të jetë 13 ose 14 milion lekë të reja. Ndërkohë nevojat e menjëhershme të Muzeut, për 70 milion lekë të reja minimale. Na kanë futur në një betejë për mbijetesë. Ndërkohë harxhohen miliona euro në hapjen e muzeveumeve si Bunkarti etj, ku privati merr lekët dhe i i fut në xhep. Ndërsa këto pasuri kombëtare që i kemi, nuk i ruajmë. Është detyrë e Ministrisë ta mbajë Muzeun, sepse janë lekët e taksapaguesve”.
Për këto fjalë, njëlloj si në diktaturë hajnat e shtetit i ‘prenë’ kokën brenda pak orëve! Me këtë akt të turpshëm, të denjë vetëm për ndonjë regjim diktatorial apo banditokracie, piktori dështak kërkon të mbulojë vjedhjet e tij.
I bëj thirrje Prokurorisë se Përgjithshme të hetojë me përparësi Ramën dhe Bolinon e tij për akuzat e rënda të drejtorit, viktimës së tyre Melsi Labi, që me guxim qytetar denoncoi vjedhjen shtetërore!
