Ndërkohë që ajo po merret me një axhendë të ngjeshur me angazhime, disa keqbërës kanë menduar që të thyejnë të gjitha llogaritë e Bebe Rexhës në rrjetet sociale.
Snapchat, Instagram, Twitter, Facebook dhe kanali në Youtube i këngëtares aktualisht janë në dorë të hackerave. Ajo, e mërzitur, ka hapur një profil të përkohshëm për t’i njoftuar të gjithë me anë të videoje se llogaritë e saj janë hackuar ku po postohen papushim kërkesa për follow të profileve të ndryshme.
Ndërkohë ka thënë se po bëhen të gjitha përpjekjet për t’i rikthyer sërish llogaritë nën menaxhimin e saj.
