Plot 102 kg kanabis janë kapur mbrëmë nga Policia greke në portin e Igumenicës dhe janë konfiskuar para se të arrinin në destinacionin e tyre përfundimtar, në Itali.
Mesnatën e shkuar, pas kontrollit rutinë në port, lënda narkotike u konstatua brenda një kamioni që po bëhej gati të ngjitej në anijen që po shkonte në Itali, njofton media greke, inews.gr.
Hashashi ishte paketuar në 92 pako dhe kishte mbërritur i sistemuar në një furgon të vogël në portën e jashtme të portit gjatë kohë së kontrollit.
Ai u zbulua me ndihmën e qenit antidrogë dhe çoi në arrestimin e shoferit, një italian 51 vjeç.
Hetimet paraprake për këtë rast janë duke u zhvilluar; po llogaritet se droga e kapur ishte ngarkuar në një zonë pranë kufirit greko-shqiptar. /Syri.net
