Janë publikuar përgjimet e ish drejtor i Rendit në Vlorë, Haki Hasanbegajn që akuzohet se ka ndihmuar trafikantët të mbjellin kanabis.
Nga zbardhja e përgjimeve rezulton se Haki Hasanbegajn e lajmërojnë kur policia afrohej pranë parcelave me kanabis në kompetencë të tij. Bie në sy që arës me kanabis i thonë ndryshe “vendi i mirë”, shprehja që përdoret në jug të vendit për vendet e shenjta. Një bisedë e Hasanbegajt është bërë në gusht të vitit të kaluar, kur një person e ka telefonuar për t’i thënë se ka parë në gazetë se është goditur një nga zonat ku mbillej hashashi dhe a kanë shkuar sërish aty apo jo. Më 15 gusht ka rezultuar se “Hakiu (Hasanbegaj) telefonon një person, përdorues i numrit 0692xxxxxx, të cilit i thotë se ka lexuar në gazetë se është goditur Krasti 2. Personi i thotë se “po është goditur Krasti 2” dhe se “janë afruar shumë afër te mua sot”.
Hakiu i thotë se “a erdhën prapë sot”. Personi i thotë se “po janë nja 300-400 metra larg” dhe se “a flet dot me njeri”. Hakiu i thotë se “do të shikojë dhe se nuk flet dot në telefon”. Personi i thotë që të vijë nesër në mëngjes dhe ta takojë, Hakiu i thotë që do të vijë nga ora 08:00-09:00″. Ndërkaq, vetëm 4 ditë më pas, më datë 19.08.2016, ka rezultuar se, “Hakiu telefonon një person me numrin 0693xxxxxx. Personi i thotë që sapo ka ardhur nga mali se ishte te “vendi i mirë”. Hakiu i thotë se është në Vlorë. Hakiu i thotë se kur do të vijë, personi i thotë se do të vijë nesër, se nesër është e shtunë dhe do të duhet që të vijë shpejt nga ora 09:00- 11:00″. Dy kultivuesit janë identifikuar dhe tashmë janë shpallur në kërkim. Ata dyshohet të jenë kultivues dhe organizatorë të lëndës narkotike.
