Një stjuardesë amerikane ka parandaluar një rast trafikimi të qenieve njerëzore, ndërsa avioni i linjës në të cilën ajo punonte, po fluturonte nga Seattle për në San Francisco, raporton “DailyMail”.
Stjuardesa e identifikuar si Sheila Frederick, 49 vjeçe, vuri re një vajzë të moshës 14-15 vjeçare të veshur keq, shoqëruar nga një burrë i mbajtur dhe menjëherë kuptoi se diçka nuk shkonte.
“Mendja më thoshte se diçka nuk shkonte. Ai ishte i veshur mirë. Kjo më bëri të dyshoj, pse ai ishte i veshur mirë kur ajo dukej aq e çrregullt”, kujton ajo.
Kur e mitura tentoi të fliste me dy pasagjerë të tjerë, ai egërsohej dhe vajza nuk përfshihej në bisedë.
Stjuardesa i la një shënim në tualet, shënim të cilit vajza iu përgjigj me një thirrje për ndihmë. Andaj Sheila njoftoi pilotët, të cilët ia komunikuan mesazhin policisë në San Francisco dhe burri i dyshimtë u arrestua me të zbritur avioni.
Pas vitit 2009, stafi i linjave të fluturimit në Amerikë është trajnuar për të njohur shenja të trafikut njerëzor. Raportohset se shenjat më të zakonshme janë kur dikush duket i trembur nën kontrollin e personit që shoqërohet, si dhe kur shmang kontaktin me sy.
Në 2016-ën janë arrestuar 2000 trafikantë dhe janë identifikuar 400 viktima.
