Një sasi tritoli ka shpërthyer mesnatën e djeshme në një banesë në Shkodër. Fatmirësisht shpërthimi nuk ka shkaktuar viktima.
Mësohet se shpërthimi ka ndodhur në banesën e familjes Marku, në fshatin Grudë e re në njësinë Rrethina.
Katër persona ishin në banesë kur ka shpërthyer lënda plasëse, megjithatë banorët nuk kanë pësuar lëndime.
Nga shpërthimi ka patur vetëm dëme materiale dhe një pjesë e banesës është shembur.
Kryefamiljari tha gjatë dëshmisë në polici se nuk ka konflikt me asnjë dhe nuk e di arsyen e ngjarjes.
Ndërkohë policia po punon për identifikimin e autorëve.
