Pas protestave masive që u mbajtën për gati një javë në Rumani, qeveria social demokrate rumune ka përmbushur dëshirën e qytetarëve duke pezulluar një dekret emergjent që disa vepra korrupsioni nuk i konsideronte më si vepra penale.
“Dekreti është hequr”, ka thënë për agjencinë e lajmeve “Reuters” një zyrtar qeveritar. Kryeministri rumun, Sorin Grindeanu, ka njoftuar mbrëmë se ka vendosur ta pezullojë dekretin sepse nuk dëshiron që vendi të ndahet. “Rumania duket e thyer në dy pjesë”, ka thënë Grindeanu. Njoftimi i tij u bë deri dhjetëra mijëra njerëz protestonin në tërë vendin. Policia ka njoftuar protesta e fundit ka pasur 330 mijë pjesëmarrës, që e bënë atë demonstratën më të madhe prej vitit 1989 ku u rrëzua regjimi dictatorial i Nikolla Çausheskut. Dekreti qeveritar do të mbronte dhjetëra politikanë të dënuar apo hetuar për korrupsion
