Mbi 420 persona kanë rënë në prangat e policisë turke, nën dyshimin se kanë lidhje me grupin terrorist të ISIS-it.
Agjencia shtetërore e lajmeve e Turqisë “Anadolu” raportoi sot se 60 të dyshuar të ISIS-it, shumica e të cilëve janë të huaj, janë dërguar në paraburgim në kryeqytet, Ankara.
Në total 423 njerëz janë ndaluar në operacione të njëhershme policore që u kryen nëpër disa qytete, përfshirë Stambollin dhe Gaziantepin, afër kufirit me Sirinë.
Operacioni më i madh u krye në provincën juglindore, Sanliurfa, ku policia i dërgoi në paraburgim më shumë se 100 të dyshuar nga adresa të ndryshme dhe gjeti materiale të lidheshin me militantët e ISIS-it, raportojnë mediat turke.
