Nëpërmjet një lajmi të shpërndarë mbrëmjen e së premtes, ‘Zëri i Amerikës’ ofronte një informacion, sipas të cilit, Departamenti Amerikan i Shtetit i kishte dhënë mbështetje ambasadorit Donald Lu.
Ky lajm vjen fill pas konfliktit të pazakontë të ambasadorit me kryeprokurorin Adriatik Llalla.
‘Zëri i Amerikës’ i ishte drejtuar zotit Mark Toner, zëdhënës i DASH-it, ende në detyrë.
Lexoni si e raporton lajmin ‘Zëri i Amerikës’:
I pyetur nga Zëri i Amerikës nëse veprimet e ambasadorit Lu në Tiranë përfaqësojnë qëndrime personale dhe jo të Departamentit të Shtetit, zëdhënësi në detyrë Mark Toner u shpreh se “politika e Shteteve të Bashkuara në Shqipëri është të mbështesë anëtarësimin e vendit në Bashkimin Evropian dhe kryerjen e reformave të nevojshme për arritjen e këtij synimi. Kjo përfshin reformën në drejtësi, luftën kundër korrupsionit dhe krimit të organizuar si dhe luftën kundër ekstremizmit të dhunshëm.”
Siç dallohet nga përgjigja e zotit Toner, ky i fundit ka shmangur çdo koment eksplicit, mbi konfliktet e shkaktuara së fundmi nga ambasadori Lu, Toner nuk ka komentuar fare konfliktet dhe as ka ofruar ndonjë mbështetje ndaj zotit Lu në këtë kontekst.
Zëdhënësi Mark Toner ka bërë thjesht një përmbledhje të synimeve ‘makro’ të politikës së SHBA-ve në vendin tonë.
Mark Toner konsiderohet ‘zëdhënës ende në detyrë’ i DASH-it, pasi është zyrtar i emëruar nga administrata Clinton. Më herët zoti Toner ka punuar në stafin e Presidentit Obama.
Mark Toner luajti një rol aktiv në vitin 2015 si zëdhënës i DASH-it, kur Rusia largoi nga vendi disa dhjetëra fondacione të lidhura me Fondacionin Soros.
Tashmë i gjendur në një periudhë të tranzitimit të administratës në DASH, zëdhënësi Mark Toner duket se ka përdorur një gjuhë tepër të kujdesshme për ‘Zërin e Amerikës’.
Por me sa duket ‘Zëri i Amerikës’ ka axhendën e vetë dhe është kujdesur që deklaratën amorfe të Mark Toner, ta përcjellë si gjasme mbështetje për ambasadorin Lu.
/ Hashtag.al/
