Një tjetër gomone e cila dyshohet se po transportonte lëndë narkotike drejt Italisë është kapur pasditen e të shtunës në një operacion të Policise Kufitare te Vlores ne bashkepunim me Delta Force dhe FNSH Fier. Sipas burimeve të Policisë rajonale, rreth orës 18:00 është bllokuar nje gomone rreth 9 metra me dy motorra te 2×200 hp. Mjeti u gjet ne grykderdhje te lumit Vjose e fshehur. Mjeti dyshohet se do transportonte lende narkotike ne drejtim te Italise.
Sakaq, ne mesnate, policia italiane ka njoftuar policine greke se nje avion i FRONTEX, kishte pikasur nje gomone e cila pasi ka vene re se po ndiqej, ka ndryshuar kurs duke u drejtuar per ne ujrat shqiptare, për të kaluar më pas ne ishullin Othonos, Greqi.
Ne det kane dale 5 skafe te policise greke duke u koordinuar me nje skuader snajperash speciale te policise kufitare greke dhe me koordinimin gjithashtu te avionit te FRONTEX.
Sot ne pasdite eshte arritur te pikaset serish gomonia, drejtuesit e se ciles nisen te hedhin ne det pako te dyshimta.
Eshte marre leje nga autoritetet shqiptare dhe skafet e policise greke kane hyre ne ujrat shqiptare duke ndjekur gomonen. Ne ndihme kane ardhur skafet e policise italiane dhe asaj shqiptare. Gomonia ka arritur te futet ne brigjet shqiptare dhe 3 drejtuesit e saj kane dale ne toke duke ikur ne drejtim te paditur. Gomonia po terhiqet aktualisht nga policia greke. Deri tani jane gjetur dhe sekuestruar ne det 110 pako nga policia greke dhe 12 pako nga ajo italiane, te cilat mendohet te jene rreth 2 ton marijuane.
