Kryeministri Edi Rama vijon të mbetet gjithnjë mjaft aktiv në Facebook, ku nuk ngurron që të replikojë me komentuesit e shumtë që jo pak herë e kritikojnë për çështje aktuale.
Këtë radhë “mollë sherri” është bërë statusi i Ramës, ku njoftonte se ishte në Stamboll dhe po drekonte me Presidentin turk Rexhep Tayip Erdogan.
Kaq ka mjaftuar që të vërshojnë komentet të cilat Rama, nuk përton të ua kthejë qytetarëve. Mes tyre spikat komenti i një qytetari i cili ironizon kryeministrin se në rrugën që ka ndërmarrë, shumë shpejt edhe në Shqipëri do të flitet turqisht, duke parë investimet e shumta turke në vendin tonë.
Por nuk ka vonuar as replika e Kryeministrit Rama i cili po me ironi i thotë qytetarit që të mos shprehet sikur ka lindur përpara Ismail Qemalit.
