Prokurori i Përgjithshëm Adriatik Llalla ka zhvilluar një takim sot me Kryetarin e Kuvendit Ilir Meta.
Takimi vjen një ditë pasi ‘lufta’ e heshtur me ambasadorit amerikan Donald Lu dhe kryeprokurorit Adriatik Llalla u bë publike me akuza të ndërsjellta.
Llalla ka qenë sot për 30 minuta në zyrën e Metës, disa ditë pas letrës që ai i dërgoi kryetarit të Kuvendit ku shprehte shqetësimin e tij se i ishte mohuar viza amerikane, ndërsa akuzoi Lu-n se fshihej pas këtij refuzimi.
Dje, Llalla zhvilloi një takim dhe me presidentin Bujar Nishani, një ditë para mbledhjes së Këshillit Kombëtar të Sigurisë, ku kryefjala do të jetë çështja ‘Balili’.
Donald Lu sulmoi hapur prokurorin Adriatik Llalla se ka qenë kundër reformës në drejtësi. Me një mesazh të qartë, Lu pohoi se gjatë procedurës së hedhjes së shortit për anëtarët e Këshillit të Emërimeve në Drejtësi, (KED) Llalla solli vetëm 3 propozime, duke dhunuar sipas tij Kushtetutën, në një kohë kur duhet të sillte një listë me disa emra, të cilët më pas do të përzgjidheshin.
I ashpër ishte dhe reagimi i Prokurorit të Përgjithshëm, në lidhje me këto akuzat, duke i ka cilësuar aspak diplomatike sulmet e Donald Lu, si dhe të përsëritura. Sipas Llallës, ambasadori ka bërë shantazhe dhe presione ndaj këtij institucioni. Kryeprokurori akuzat në drejtim të ambasadorit Lu i vazhdoj edhe dje gjatë mbrëmjes. I ftuar dje në ‘Opinion’, Llallës pohoi se Donald Lu duhet të mbajë vendin e tij si ambasador, ndërsa shkoi edhe më tej kur tha se reformën në drejtësi e kanë bërë ish-sigurimsa.