Dashuria është e verbër, por disa gjëra i sheh shumë mirë. Ose kështu na duket neve, sidomos kur është fjala për diçka që ne e konsiderojmë një defekt, fizik ose karakterial.
Megjithatë, edhe lidhur me defektet, në mund ta kthejmë shigjetën e Kupidit në favorin tonë.
Mungesa e vetëbesimit– Kjo është rrënja e çdo problemi. Për të kënaqur të tjerët, ne duhet së pari të kemi një marrëdhënie të mirë me veten. Fakti i të mos qenit në gjendje të njohim cilësinë tona të mira është pika e rëndësishme që na pengon për t’i rritur dhe shprehur ato kur jemi në shoqërinë e njerëzve të tjerë, duke përfshirë edhe njeriun që duam.
Për të përmirësuar vetëvlerësimin tonë, ne duhet të përpiqemi ta vlerësojmë veten si tërësi: E të mos ndalemi duke kërkuar në pasqyrë defektet, tek hunda jonë, apo gjoksi që na duket shumë i vogël. Por në vend të këtyre duhet t’i kujtojmë vetes sonë, për shembull, se ne kemi sy të bukur, apo një fundshpine për t’u patur zili.
Ndroja– Është një element i sjelljes që krijon shumë vështirësi, por që mund të shndërrohet në një armë joshje. Nëse nuk jeni në gjendje ta shprehni atë në formën e konfidencialitetit dhe me zgjuarsi, ju mund të krijoni një atmosferë misteri dhe lozonjare. Meshkujt, këtë sjellje, e konsiderojnë thjesht si të papërmbajtshme. Shpesh këto lojëra janë shumë më efektive dhe tërheqëse se sa një qasje e drejtpërdrejtë.
Ndryshimet e humorit- Ndryshimet tona të papritura në humor mund të jenë shumë irrituese për ata që na rrethojnë. Megjithatë, në qoftë se duam ta kemi këtë defekt në favorin tonë, mund të përcjellim përmes tyre idenë se ne jemi të paparashikueshme dhe se me ne nuk do të mërziteni.
Gjëja më e rëndësishme është të mos e teproni.
Je e ndjeshme– Edhe këtë defekt mund ta shihni si një pikë në favorin tuaj. Gjëja më e rëndësishme është që kur bëheni shumë të ndjeshme, të shmangni fytyrën e athët.
Edhe një here: Ironia dhe sinqeriteti janë çelësi fitues. Nëse merrni një qortim mos e dramatizoni, por merrni guximin t’i thoni tjetrit se si ju bëri të ndiheni. Meshkujt do të ndjehen fajtorë.
Agresiviteti– Jeni agresive? Edhe ky “defekt”, mund të parandalohet. Rezistojini tundimit për të qenë gjithmonë në krye të ligës. Dhe kur nuk mund të ndaloni duke hedhur sfida, përpiquni për t’i kompensuar me momentet e ëmbëlsisë.
Je e përpiktë- Nuk duroni të shihni qoftë edhe një qime të vetme, madje përpiqeni për të luajtur rolin e mësueses edhe në seks. Këtë duhet t’ja shisni partnerit si interes që ke ndaj tij dhe jo si një qëllim në vetvete.
Defektet fizike- Mos harroni se shumë defekte të trupit janë të tilla vetëm për shkak se ne i shohim ato si të tilla. Të tjerët do t’i vënë re më pak në qoftë se ne mësojmë të jetojmë në paqe me to. Në vend që të përpiqemi për të fshehur me çdo kusht një defekt, të përpiqemi për të shfrytëzuar anët e forta tonat.
Burimi: TgCom24
