Një person ka humbur tragjikisht sot jetën në një aksident të rëndë automobilistik të ndodhur në aksin rrugor Fier-Lushnjë. Viktima është shoferi i automjetit të përfshirë në aksident.
Sipas policisë rreth orës 13:36, në aksin rrugor Fier-Lushnjë, në vendin e quajtur “Rotondua e Kolonjës” shtetasi Q. Sh., 55 vjeç, banues në Lushnjë, duke drejtuar mjetin tip Volkswagen me targa AA 831 CM, ka humbur kontrollin e mjetit dhe ka rënë në kanal ku ka gjetur vdekjen e menjëhershme.
Në vendngjarje ndodhet grupi hetimor dhe po kryen veprimet për zbardhjen e shkaqeve të kësaj ngjarje.
