Një 36-vjeçar u arrestua në pikën doganore të Muriqanit, pasi u kap në flagrancë duke tentuar t’i jepte 20 euro ryshfet policit për të kaluar kufirin.
“Policia arrestoi Skënder Mejdani, 36 vjeç, banues në Tiranë pasi ky shtetas më datë 31.01.2017, në dalje nga Republika e Shqipërisë ka tentuar të korruptojë punonjësin e policisë duke i futur në brendësi të pasaportës 20 €, me qëllim kalimin në vendet shengen edhe pas refuzimit Nga Seksioni Kundër Korrupsionit në D.V.P-Shkodër, u kryen të gjitha veprimet hetimore ku shtetasi u arrestua në flagrancë për veprën penale “Korrupsion aktiv ndaj personave që ushtrojnë funksione publike” parashikuar nga neni 244 i Kodit Penal”, tha policia.
Sakaq materialet proçeduriale iu referuan Prokurorisë së Rrethit Gjyqësor Shkodër për veprime të mëtejshme.
