Një 62-vjeçar që po udhëtonte me motoçikletë është aksidentuar për vdekje në Sarandë. Sakaq mësohet se policia ka arrestuar drejtuesin e mjetit, Jeton Doda 30 vjeç, banues në Tiranë.
“Policia ka bërë arrestimin e tij, pasi ditën e djeshme, ky shtetas duke udhëtuar në aksin rrugor Ura e Gajdarit – Krane, me mjetin tip Benz me targë TR 7316 U, është përplasur pranë fshatin Vrion me motoçikletën “Tianma”, me drejtues shtetasin D.Gj., 62 vjeç, banues në fshatin Vrion, i cili u transportua në Tiranë dhe humbi jetë në ambientet e Spitalit të Traumës.”, tha policia mbi ngjarjen.
