Babë e bir arrestohen nga policia pasi akuzohen se kanë mbajtur peng pronarin e dyqanit për t’i kthyer një shumë monetare që u detyrohej.
Mësohet se ngjarja ka ndodhur në rrugën “Sami Frashëri”, ku Erion Basha 32 vjeç, dhe babai i tij Q. Basha, 71 vjeç kanë mbajtur peng D. P, 41 vjeç duke mos e lejuar të dalë nga dyqani i tij.
Madje ata pretendonin që 41-vjeçari t’u kthente shumën monetare prej 7 mijë lekësh të rinj, shumë kjo që u detyrohej DP.
Erion Basha është arrestuar në flagrancë, ndërsa i ati i tij do të hetohet në gjendje të lirë. Ndaj tyre rëndon akuza e heqjes së paligjshme të lirisë.
