Rrugorët duket se janë edhe sektori për të cilin qytetarët ankohen më shumë. Kështu del nga analiza e punës së Shërbimit për Çështjet e Brendshme dhe Ankesat në Ministrinë e Brendshme.
“Ankesa të marra në nivel qendror dhe vendor, janë 866 ankesa”, thuhet në raportin e punës për vitin 2016.
Sipas këtij raporti nga analiza e bërë gjatë hetimit administrativ të ankesave trendi i shkeljeve administrative, mbizotërohet nga “për vendosje gjobë në mënyrë të padrejtë”, “shpërdorim me detyrën”, “mosveprim të strukturave të policisë” dhe “shkelje të procedurave standarde të punës”.