Zëvendës/ministri i Energjisë së Kosovës i pyetur mbi bllokimin e linjës së interkonjeksionit Kosovë-Shqipëri, shprehet se Prishtina zyrtare i ka kërkuar Sekretariatit të Komunitetit të Energjisë në Vjenë të penalizojë Serbinë.
Sipas tij ngërçi që mban peng autostradën energjetike është mosnjohja e Operatorit të Transmetimit të Kosovës nga Serbia.
“Shpresojmë që ata që duhet të penalizojnë Serbinë dhe të veprojnë njëanshem në këtë drejtim dhe të pavarësohet, anëtarësohet sistemi energjetik i Kosovës në atë të Europës. Nuk kemi marrë akoma përgjigje e kemi kërkuar edhe nga pala shqiptare si anëtare e komunitetit për energji”, tha Gani Kroci, zv/ministër i Energjisë së Kosovës.
Linja e interkonjeksionit me Kosovën kushtoi 70 milionë euro. Kjo linjë i shërben diversifikimit të burimeve energjetike të të dy vendeve.
