Shkëlzen Berisha, i ka bërë thirrje prokurorisë të nisë hetimet pas deklaratave të ministrave të LSI-së në lidhje me drogën në vend.
Në një status në “Facebook” Shkëlzen Berisha përpiqet të ‘zgjojë nga gjumi’ prokurorinë duke i rikujtuar akuzat e Manjanit, paralajmërimin e Petrit Vasilit dhe deklaratat e Lefter Kokës për drogën.
Djali i ish-kryeministrit pyet nëse ka ndonjë nen në kodin penal ku thuhet se akuzat për drogën nuk duhen hetuar nëse bëhen nga ministra.
“Aloooo prokuroria …
Ministri që iku (Manjani) tha se e shkarkoi droga. Ministri që e zëvendësoi (Vasili) këshillonte publikisht kolegët deputetë të kishin kujdes nga droga që do u fuste në makinë ministri i rendit (Tahiri). Ndërsa ministri që nuk lëvizi (Koka) tha se na ka mbytur droga.
A ka ndonjë prokuror apo gjykatës që i dëgjon këto akuza për drogë apo mendojnë se janë akuza politike dhe prandaj nuk ja vlen të hetohen?
Nuk di në cilin nen të kodit penal thuhet se akuzat për përdorimin, menaxhimin apo trafikimin e lëndëve narkotike nuk duhen hetuar nëse bëhen nga ministrat!?!”, shkruan Shkëlzen Berisha.
