“Partnerët ndërkombëtarë i kanë kërkuar kryeministrit Edi Rama të shkarkojë Ministrin e Brendshëm, Saimir Tahiri”. Kështu deklaroi sot ministri i shkarkuar i Drejtësisë, Ylli Manjani, teksa e lidhi kërkesën me kanabizimin e vendit dhe rritjen e kriminalitetit.
Manjani, duke folur në konferencë shtypi nga Ministria e Drejtësisë, tha se Rama duhet ta shkarkojë Tahirin. Teksa listoi arsyet pse “Eskobari i Ballkanit”, Kelmend Balili, nuk po arrestohet nga policia.
“E dini ju se në Santa Quaranta-n e Kelmend Balilit shkojnë ministrat dhe aty flejnë me dashnoret…Shkojnë krerët e policisë, hanin në hotelin e Balilit…E këtë nuk e di unë se jam ministër, por se këto i kanë regjistruar edhe shërbimet e huaja partnere…E di përse nuk është arrestuar, sepse policët flejnë tek Santa…”, ka thënë Manjani në konferencën e tij për shtyp, pas shkarkimit.
