Më shumë se 500.000 njerëz, në vetëm pak orë, kanë nënshkruar një peticion online, duke i bërë thirrje presidentit të SHBA që të anulojë një vizitë shtetërore në Mbretërinë e Bashkuar.
Qeveria britanike i përgjigjet të gjitha peticioneve që marrin më shumë se 10.000 nënshkrime dhe kur peticioni merr më shumë se 100,000 nënshkrime ajo duhet ta marrë parasysh për debat në Kuvend.
Kur peticioni i lançua online të dielën pasdite, rreth 1,000 njerëz e nënshkruan menjëherë.
Në peticion thuhet se Trump nuk duhet të lejohet të hyjë në Mbretërinë e Bashkuar, pasi do të vërë në vështirësi familjen mbretërore, e mbi të gjitha anglezët janë kundër deklaratave të tij të ashpra kundër refugjatëve.
Anglezët nga veriu në jug, nga lindja në perëndim të vendit u bënë pjesë e nënshkrimit të peticionit, raporton “The Independent”.
Kryeministrja Theresa May njoftoi për herë të parë javën e kaluar, gjatë vizitës së saj në Uashington, se zoti Trump kishte pranuar një ftesë nga Mbretëresha për të vizituar Mbretërinë e Bashkuar më vonë këtë vit.
