Gjykata e Distriktit Lindor të Nju Jorkut ka nxjerrë një vendim që shfuqizon në një farë mënyrë urdhrin e presidentit Donald Trump për t’ua ndaluar hyrjen në SHBA myslimanëve që vijnë nga 7 vende, si Iraku, Iran, Somalia, Siria etj.
Sipas mediave amerikane gjykata ka nxjerrë një vendim emergjent që mban në fuqi qëndrimin e personave që preken nga urdhri i Trump.
Prej dje nisën protesta masive në Nju Jork dhe disa vende të tjera të SHBAe për urdhrin, e cilësuar si absurd.
Sakaq dje u ndaluan të hyjnë në SHBA peronat e parë nga 7 vendet myslimane që preken nga urdhëri i Trump.
Mes tyre ishte edhe një përkthyes i Ushtrisë Amerikane për më shumë se 10 vjet me origjinë irakiane.
Kurse një agjent i Sigurisë Kombëtare ka thënë për “Reuters” se 375 udhëtarë janë prekur nga urdhri i Trump ditën djeshme, 109 prej të cilëve ishin transit në SHBA.
