Konflikti për pronën ka degjeneruar në plagosjen e vëllait nga vëllai në një fshat të Krujës.
Policia tha se ka vënë në pranga shtetasin Ramazan Ferra 55 vjeç, banues në fshatin Mefsheq Krujë. Sepse një ditë më parë në fshatin Mefsheq për motive pronësie, ka qëlluar me sëpatë, në krah, vëllain e tij, 53-vjeçarin me inicialet G. Ferra, banues po në fshatin Mefsheq.
Mësohet se gjatë kontrollit të ushtruar në banesën e autorit u gjetën dhe sekuestruan në cilësinë e provave materiale, sëpata dhe rreth 2 kg lëndë narkotike e dyshuar e llojit kanabis sativa.
Sakaq bëhet me dije se dosja i ka kaluar Prokurorisë së Durrësit për veprime të mëtejshme për veprat penale “Plagosja e rëndë me dashje” dhe “Prodhimi dhe shitja e narkotikëve”.
