Ish-ministri i Punës, Spiro Ksera pas dënimit me 16 muaj burgim dhe heqje të së drejtës për të ushtruar funksione publike, kërkon pafajësinë në Gjykatën e Lartë.
Si përfitues nga ligji i amnistisë Ksera është liruar nga burgu, por beteja e tij ligjore për të marrë pafajësinë vijon.
Mësohet se më 10 Janar 2017, Ksera ka depozituar rekurs në kolegjin penal të Gjykatës së Lartë, ku kundërshton vendimin e Apelit dhënë më 12 dhjetor 2016 ku është lënë në fuqi dënimi i Shkallës së Parë për Kserën.
Prokuroria thotë se Ksera në bashkëpunim me vartësit kishte shpërdoruar detyrën me pasojë vjedhjen e 30 milion lekëve me aktivitete fiktive për komunitetin Rom. Akuzë që u mohua nga Ksera dhe pse u dënua me gjykim të shkurtuar.
