Pas akuzës së fortë që ministri i Mjedisit, Lefter Koka, bëri ndaj aleatëve të PS -së, duke thënë se po përdorin eksponentë të Policisë për të deformuar rezultatin e zgjedhjeve, kryeministri Rama ka postuar vlerësimin e bërë nga Komisioni Europian për Policinë e Shtetit.
Paraditen e sotme, Rama ka ndarë me ndjekësit e vet në profilin e tij në Facebook, anketën e KE për indeksin e besimit te institucionet, e posaçërisht te policia e Shtetit.
Ja postimi i Ramës:
“Pas anketimit të bërë disa muaj më parë nga Komisioni Europian, POLICIA E SHTETIT konfirmohet përsëri si institucioni më i besuar i shqiptarëve në Indeksin e Besimit tek Institucionet” shkruan Rama, duke e shoqëruar postimin me grafikun përkatës dhe shprehjet e njohura të tij, “Rilindje, Shqipëria e Gjeneratës Tjeter dhe Qente le të lehin, karvani ecen përpara”.
