Një tërmet i fortë ka rënë pak minuta më parë në Urën Vajgurore, pranë Beratit. Tërmeti ka qenë 4.6 ballë i shkallës Rihter.
Tërmeti ka pasur epiqendrën në Urën Vajgurore. Ai është ndjerë edhe në Fier dhe Vlorë. Tërmeti ka qenë me një thellësi vetëm 2 kilometra.
Ende nuk ka të dhëna për dëme në njerëz apo materiale.
“Unë po flisa në telefon, isha ulur në karrige në një lokal, kur gjithçka filloi të dridhej. Njerëzit filluan të bërtisnin”, tha një banor i Urës Vajgurore për Syri.net.
“Unë isha në punë. Punoj në një lokal. Erdhi si papritur. Pashë vdekjen me sy”, tregon një banore në Kuçovë.
Ndërsa një tjetër thotë: “E kam shtëpinë në katër të pestë. U lëkundën muret. Kujtova se na zuri poshtë”.
