Mëngjesin e sotëm, banorët e Krujës janë përballur me një skandal mjedisor. Lumi Ishëm dihet se mban edhe mbeturina brenda tij, por se askujt nuk ia kishte marrë mendja se në lumin në fjalë do të gjendeshin edhe koka derri.
Madje, janë gjetur jo pak por 200 të tilla, në një mënyrë aspak të hijshme.
Banorët janë terrorizuar, për shkak të erës së rëndë që vinte rreth e rrotull.
Ata kanë thënë se ndihen të frikësuar, pas kësaj që kanë parë.
Sipas tyre, ekziston mundësia reale që në atë vend të përhapen edhe sëmundje e epidemi. Dyshohet se kokat janë hedhur prej pak kohësh dhe se era e tyre ka përhapur alarm në qytet.
