Një 21-vjeçar nga Durrësi rezulton i zhdukur prej 3 ditësh. Shtetasi me iniciale K.T kishte lajmëruar familjen se do të shkonte në Tiranë për të festuar ditëlindjen e një shoku, por nga ai moment nuk është kthyer më.
Mësohet se i riu mëngjesin e të martës i kishte thënë të ëmës se do të festonte në Tiranë ditëlindjen e një shoku. Pasdite i kishte telefonuar të ëmës për t’i thënë se nuk do të kthehej, por do të rrinte tek shokët e tij.
Por pasi nuk u kthye më në shtëpi, nëna bëri denoncim në polici.
Policia ka shpërndarë të dhënat e djalit në komisariatet e të gjithë qyteteve dhe po punon për gjetjen e tij.
