“Le të mendojnë në administratën e re dhe le të thonë se çfarë mendojnë për Kosovën. Nëse mendimi është në përputhje me dëshirën tonë ose nëse ndeshemi të paktën diku në ato dëshira, atëherë do ta pranoj çdo këshillë të SHBA”. Ka qenë kjo deklarata e presidenti serb Tomislav Nikoliç.
Në një intervistë për TV portugez, transmeton FoNet, i pyetur për politikën e SHBA për Kosovën, Nikoliç ka theksuar se pret që administrata e re të deklarohet, ndërsa mendon se administrata e shkuar ka krijuar shumë probleme që Trump-it mund t’ia lidhin duart.
“E di se nuk do të jetë aq keq siç ka qenë e keqe administrata e shkuar. Edhe po ta bëjë më së keqi atë që e flet, administrata e Donad Trump-it, ajo kurrë nuk do të jetë më e keqe se ajo që do ta bënte Hillary Clinton”, tha Nikoliç.
“Nuk mundet Amerika t’i u thotë serbëve e shqiptarëve: Bëjuni të mirë dhe bisedoni si ka hije nëse i vë sanksione Rusisë. Nuk mundet Amerika të jetë arbitri kryesor kush si guxon të sillet në botë”, shton ai.
