Kryeministri Rama pati sot një takim me aleatin e tij në qeveri, kreun e Kuvendit Ilir Metën, para nisjes së seancës plenare.
Sipas “Ora News” ky takim u mbaj në Kryesinë e Kuvendit dhe zgjati më shumë se 30 minuta.
Sakaq në rendin e ditës për seancën e sotme plenare janë planifikuar për diskutim disa projektligje dhe marrëveshje, nga akti normativ për buxhetin, projektligji për sigurinë kibernetike, që pritet të sjellë debate për votimin elektronik, projektligj “Për ratifikimin e marrëveshjes, ndërmjet Këshillit të ministrave të Republikës së Shqipërisë dhe Qeverisë së Republikës Federale të Gjermanisë, për bashkëpunim financiar 2010, për projektin “linja e transmisionit 400 kv Shqipëri – Maqedoni” etj.
