Një foto ku moderatorja Floriana Garo puthet në buzë me ish- banoren e “Big Brother” Ilda Gega, ka qenë në qendër të debateve ku hodhi dyshime mbi seksualitetin e tyre.
Ka qenë i menjëhershëm reagimi i Floriana Garos duke e cilësuar si një një foto artistike të bërë shumë kohë më parë, rreth viteve 2005-2006 dhe ka qenë e publikuar në forumet e asaj kohe.
“S’ka asnjë domethënie. Për atë foto janë bërë disa lajme para pak kohësh, ndërsa tani e kanë ripublikuar për disa klikime më tepër”, është shprehur ajo.
Floriana ka treguar se me Ildën njiheshin atë kohë ndonëse sot nuk kanë ndonjë raport të ngushtë.
“Nuk bëhet kurrsesi fjalë për qasje lesbike nga ana ime. Këto janë foto normale, që çdokush mund të ketë”, deklaron moderatorja për ‘opinion’.
Ajo ka thënë se mediat përdorin momentin kur një personazh është në vëmendje të publikut për të fituar sa më shumë klikime.
Pas saj vjen reagimi i Ilda Gegës, me tone pak më të ngritura, ku e cilëson Florianën si monstër.
Reagimi i plotë i Ilda Gegës në Facebook
“Vajza që kanë nxjerrë në lajme këto ditë në foto me mua, ka dekada që mundohet të bëhet personazh publik. Vajza ka qenë një shoqe e imja dhe ndërkohë që isha në emisionin BB vendosi të publikonte foton tonë me qëllimin për të marrë vëmendje dhe për t’u bërë e famshme. Fatkeqësisht e vetmja që mori famë atëherë isha unë, unë që sinqerisht nuk e desha pasi e pashë ç’monstër ishte. Pas 9 vitesh më në fund i erdhi dita dhe ASAJ të përbëjë lajm por sërish me foton time”.
