Aktori 33-vjeçar Frederick Jay Bowdy i ka dhënë fund jetës duke qëlluar veten me armë, ndërsa vetëvrasja është transmetuar e gjitha live në Facebook.
Rreth orës 4:30 të së hënës, aktori ndodhej në një makinë, ndërsa njoftoi të gjithë ndjekësit e tij në Facebook se do vetëvritej.
Ai po përballej me akuzën e “ngacmimit seksual”, ndërsa të hënën qëlloi veten në kokë me armë. Videoja u pa nga shumë persona, një ndër ta ishte familjar i aktorit i cili menjëherë ka njoftuar policinë. Kjo e fundit ka mbërritur në vendngjarje por më kot, pasi e ka gjetur aktorin Bowdy të vdekur.
Meco Harden është një dëshmitar që e pa videon, të cilën e përshkruan si rrëqethëse: “Zëri i tij. Dhimbja e tij. Lotët e tij. Gjithçka që tha. Tingulli i zërit dhe të dëgjoja gjakun e tij që shpërtheu më ka shokuar. Nuk do e harroj kurrë atë zë”, shkroi ai.
Videoja është fshirë menjëherë nga Facebook-u, ndërsa raste të tilla ku personat vrasin veten duke transmetuar gjithçka në kohë reale janë shtuar së fundmi në botë.
33-vjeçari ishte i martuar dhe kishte 6 fëmijë, së fundmi ishte zhvendosur në Texas për të luajtur një rol në një film. Mendohet se akuza për abuzim seksual e ka çuar atë në kryerjen e këtij krimi.
