Fjalën e fundit për fillimin ose jo të procesit të shkëputjes së Britanisë nga Bashkimi Europian do ta ketë Parlamenti. Ishte ky vendimi i Gjykatës së Lartë angleze.
Vendimi do të thotë se Theresa May nuk mund t’i nisë bisedimet me Brukselin, derisa ligjvënësit britanikë të japin mbështetjen e tyre për Brexit-tin.
Madje vendimi i Gjykatës nuk i jep zë në këtë çështje as parlamentit skocez dhe as asambleve të Uellsit dhe Irlandës së Veriut.
Gjatë seancave dëgjimore në gjykatë, u argumentua se do te ishte jodemokratike t’i mohohej vota parlamentit.
Sipas BBC ekzekutivi thotë se e ka fuqinë për të aktivizuar artikullin 50 të traktatit të Lisbonës, e të nisë bisedimet e shkëputjes pa qenë nevoja për konsultime. Vendimi Gjykatës e ka zhgënjyer qeverinë britanike, e cila do të bindet megjithatë plotësisht dhe do të bëjë ç’është e mundur për zbatimin e tij.
