Policia e Tiranës ka arrestuar një 49-vjeçar që akuzohet për pedofili.Bedri Shkambi, 49 vjeç, banues në kryeqytet është vënë në pranga pasi akuzohet se ka kryer veprime ndaj një djali të mitur.
Burimet zyrtare u shprehën se ndalimi i Shkambit ka ndodhur në rrugën “Haxhi Bardhi” në Tiranë. 49-vjeçari akuzohet se ka kryer veprime të turpshme ndaj djalit të mitur me inicialet G. A.
Ka qenë ky i fundit bashkë me familjen që ka bërë denoncimin në polici ndaj 49-vjeçarit, i cili u vu në pranga menjëherë.
