Ish-drejtori i gazetës Mapo, Alfred Lela është përballur në emision me botuesin e kësaj gazete Henri Çili, pas largimit nga detyra për shkak të ndryshimit të linjës editoriale pro qeverisë.
Në emisionin ‘Studio e Hapur’ në News24, Alfred Lela i ka sugjeruar ish-punëdhënësit të tij Henri Çili se cilin gazetar të bëjë drejtor tashmë që gazeta Mapo ka shpallur audicionet për këtë post që ka mbetur vakant.
“Merr drejtor të media Mapo Armand Shkullakun”, iu drejtua Alfred Lela, Henri Çilit duke e sfiduar në këtë mënyrë të provojë se shkarkimi i Lelës nuk ishte për shkak të politikës editoriale.
Armand Shkullaku, ish-drejtor i tv ABC News, u largua nga detyra gjithashtu për shkak të ndryshimit të politikës editoriale pro-qeverisë të këtij televizioni.
Sfidës së Lelës, Çili iu përgjigj duke i thënë se drejtor të Mapo do të punësojë dikë që është në të njëjtën linjë me fiozofinë e tij.
