Zbulohet tabele e pagesave të punonjësve të RTV Ora News ku shihet sesi paguhen gazetarët po aq sa shoferët, pastruesit, apo tenkinkët.
Listë pagesat janë të vitit 2012 dhe ndoshta kjo situatë ka ndryshuar dhe gazetarëve i janë rritur rrogat, por jemi përballë faktit se një media që pretendon që është një nga më të ndjekurat, i paguan punonjësit me paga qesharake.
Nga 81 punonjës të regjistruar në tatime, rroga më shumë e përdorur në këtë televizion është ajo minimale, 210 mijë lekë të vjetra. Kjo ndoshta kryhet për të ulur shifrën e taskave që ky televizion paguan në shtet.
Mjafton të shohësh rrogën e vetë sipërpmarrësit të RTV Ora News, Ylli Ndroqi, i cili i ka caktuar vetes një rrogë 800 mijë lekë të vjetra.
Gazetarët paguhen sa pastrueset dhe shoferët, mendja në RTV ORA News paguhet njësoj me punën fizike.
Skenarët
Deklarimi i rrogave kaq të ulëta në RTV Ora News ka dy skenarë. E para lidhet me taksat që media duhet të paguajë në shtet për rrogat. Kjo media i deklaron pagesat e gazetarëve të ulëta në mënyrë që të shmangë taksat e larta në shtet, duke marrë parasysh se sa më e mdhe të jetë pagesa, aq më e madhe është taksa që duhet paguar për punonjësit. Në këtë mënyrë, si biznes dhe jo si media, kursehen disa miliona lekë.
Skenari i dytë lidhet me frikën nga hetimi i pasurisë së sipërmarrësit të RTV Ora News, Ylli Ndroqi. Nëse pagesat e gazetarëve do deklaroheshin të larta, kjo mund të sillte një bilanc me humbje për RTV Ora News. Kjo do të thotë se pronari Ylli Ndroqi, ose do shpallte falimentin, ose do të paguante nga “xhepi” i tij pagat për mbajtur në këmbë median. Në rast se Ndroqi do të paguante me fonde të tjera, pra nga paratë personale, ai duhet të tregojë burimin dhe prokuroria apo institucioni i deklarimit të pasurisë do të niste hetimin për pasurinë e tij.
Skenarët e mësipërm ngrenë dyshime për mënyrën se si paguhen gazetarët, shmangien e taksave nga RTV Ora News.
Ylli Ndroqi dhe Ora News përpara se të denoncojnë apo kryejnë detyrën si media, duhet të hyjnë vetë në binrët e ligjit dhe jo të paguajnë gazetarët si pastrues./CityNews
