Një aktor humbi jetën nga një e shtënë, teksa ishte duke xhiruar videoklipin e një kënge në qytetin australian Brisbane. Sipas mediave australiane 20-vjeçari mori plagë në mushkëri brenda lokalit “Brooklyn Standard”.
Vdekja e tij duket se ka ardhur pikërisht nga armët që ishin boshatisur, por mesa duket jo të gjitha, enkas për të xhiruar videoklipin e grupit të hip hopit nga Sidnej, “Bliss n Eso”.
Inspektori i policisë Armitt tha për reporterët se kanë nisur një hetim penal. “Nuk e dimë sesi ndodhi ngjarja për momentin, kjo gjë mbetet për t’u zbardhur nga hetimi ynë”, tha ai.
