Një i moshuar i dha fund jetës pasditen e djeshme në Sarandë, por për shkak të djegies së rëndë nuk mund të identifikohej. Vetëm sot viktima është identifikuar.
Bëhet fjalë për 77-vjeçarin Ethem Seferaj i cili më parë ka punuar si këpucar në qytetin bregdetar.
Kanë qenë familjarët e tij, që e kanë identifikuar. Djali i 77-vjeçari thotë se nuk e dinë arsyen se pse ai e ndërmori këtë veprim.
Sipas familjarëve, ky person vuante nga një sëmundje e rëndë, për të cilën 6-7 muajt e fundit nuk pranonte mjekim nga mjekët.
