Klinton Spahiu, një nga tre gjyqtarët e Apelit të Durrësit që janë nën hetim për korrupsion pasiv pas dyshimeve se biznesmeni durrsak Namik Sadiku iu ka sponsorizuar udhëtimin për në ndeshjen Real Madrid-Barcelona, duket se është vërtet i obsesionuar me futbollin.
Gjykatësi Spahiu, jo vetëm që ka udhëtuar me kolegët e tij, Petraq Dhimitri dhe Petrit Çeno drejt Spanjës për të parë nga stadiumi ‘El Classicon”, por është edhe përdorues i lojërave të fatit, shkruan Newsbomb.al.
Në deklaratat e pasurisë së dorëzuara në Inspektoriatin e Lartë të Deklarimit dhe Kontrollit të Pasurive rezulton se gjyqtari Kliton Spahiu ka raportuar disa skedina fituese për të justifikuar pasurinë. Ai ka deklaruar se ka fituar në total 2 791 676 lekë dhe 4246 dollarë prej llotove sportive në vitet 2012-2014.
Në një investigim të publikuar sot nga Reporter.al, është publikuar edhe deklarata e pasurisë së tij.
