Një 23-vjeçar ka rënë në prangat e policisë së Vlorës pasi i ka dhënë 20 euro efektivit rrugor, i cili e kishte ndaluar sepse po drejtonte mjetin me shpejtësi tej normave të lejuara.
I arrestuari është Antonio Doksani, 23 vjeç banues në Fier. Arrestimi i tij u bë pasi u kap në flagrancë në hyrje të autostradës së Vlorës, “pasi ky shtetas duke drejtuar mjetin e tij tip Volkswagen Golf 5, ka tentuar ti japë 20 euro punonjësit të policisë së qarkullimit rrugor, me qëllim që ti shmangej masës administrative pasi po drejtonte mjetin jashtë normave të lejuara të shpejtësisë”, tha policia.
